9.23 BO‘LAJAK INFORMATIKA O‘QITUVCHILARINING KASBIY KOMPETENTLIGINI SHAKLLANTIRISHNING PEDAGOGIK SHART-SHAROITLARINI AMALGA OSHIRISH
Аннотация
Maqolada bo‘lajak informatika o‘qituvchilarining kasbiy kompetentligini shakllantirishning pedagogik shart-sharoitlarini amalga oshirish yo‘llari yoritilgan va shakllantirish modeli keltirilgan.
Kalit so’zlar: maqsadli komponent, emotsional-motivatsion komponent, mazmunli komponent, amaliy-faoliyatli komponent, nazoratlovchi-baholovchi komponent, natijaviy - korreksion komponent.
Abstract. The article describes ways of implementing the pedagogical conditions for the formation of the professional competence of future informatics teachers and presents a formation model.
Key words: target component, emotional-motivational component, meaningful component, practical-active component, control-evaluative component, result-corrective component.
Аннотация. В статье описаны пути реализации педагогических условий формирования профессиональной компетентности будущих учителей информатики и представлена модель формирования.
Ключевые слова: целевой компонент, эмоционально-мотивационный компонент, содержательный компонент, практико-деятельный компонент, контрольно-оценочный компонент, результативно-коррекционный компонент.
Bugungi kunda mamlakatimizda ta’lim natijalarini baholashda bitiruvchilarning “tayyorgarligi”, “umumiy madaniyati”, “bilimliligi” kabi tushunchalarni tavsiflashda “kompetentlilik”, “kompetentli model”, “tayanch kompetensiyalar”ga kabi tushunchalardan tez-tez fodalanayotganligiga guvoh bo‘lmoqdamiz. Ta’limga oid qator me’yoriy hujjatlarda, ilmiy ma’ruza va maqolalar mazmunida “kompetentlik”, “kompetensiya” kabi tushunchalarning bir-biridan farqli tarzda tavsiflanayotganligini uchratamiz[6]. Masalan, professor N.Muslimov tomonidan chop etilgan “Pedagogik kompetentlik va kreativlik asoslari” nomli o‘quv-metodik qo‘llanmada kasbiy-pedagogik kompetentlikning: psixologik kompetentlik; metodik kompetentlik; axboriy kompetentlik; kreativ kompetentlik; kommunikativ kompetentlik; shaxsiy kompetentlik; texnologik kompetentlik; ekstremal kompetentlik kabi sifatlari sanab o‘tilgan va tavsiflangan. Muhokama qilinayotgan mavzu doirasida axboriy kompetentlikga asosiy e’tiborni qaratamiz. Axboriy kompetentlik-axborot muhitida mavjud bo‘lgan zarur, muhim, kerakli, foydali ma’lumotlar (axborot)ni izlash, yig‘ish, saralash, qayta ishlash va ulardan maqsadli, o‘rinli va samarali foydalanishni ifodalaydi[8]. Axboriy kompetentlik har qanday kasbiy kompetentlikning asosini tashkil etadi.
