10.24 Maqsud Shayxzodaning “Jaloliddin Manguberdi” Dramasi
Abstrak
O‘tmishdagi xon, sulton, hukmdorlarimiz qanchalar buyuk va vatanparvar bo‘lishiga qaramasadan sho‘ro davrida, yoppasiga qoralanib kelingan. Sababi ota bobolarimizdagi vatanparvarlik sho`ro hokimiyatiga maqul kelmas, ular bu hislatlarini kelgusi avlodlarga o‘tishini istamas edilar. Sho‘ro hukumati qatag‘on qilgan ajdodlarimizning nomi mustaqillik davriga kelib yana tiklandi. O‘zbekiston hukumati xalqning jasur farzandi nomini abadiylashtirish maqsadida 1998-yili “Jaloliddin Manguberdi tavalludining 800 yilligini nishonlash haqida” maxsus qaror qabul qilindi va 2000-yil O‘zbekiston Prezidentining farmoni bilan “Jaloliddin Manguberdi” ordeni ta’sis etildi.
Kalit so‘zlar : Dramaturg, Vatan ozodligi, mustaqillik, vatanparvarlik, tarixiy obraz, to‘qima obraz, bosqinchi, valiahd, hokim, poetik asar, teranlik.
Аннотация: Какими бы великими и патриотичными ни были наши прошлые ханы, султаны и правители, они были осуждены в период шуры. Причина в том, что патриотизм наших отцов и дедов был неприемлем для советской власти, они не хотели, чтобы эти чувства передавались будущим поколениям. Репрессированное советской властью имя наших предков было восстановлено в период независимости. В 1998 году в целях увековечения имени отважного ребенка нации правительством Узбекистана было принято специальное постановление «О праздновании 800-летия со дня рождения Джалалуддина Мангуберди», а в 2000 году был вручен орден «Джалалуддин Мангуберди». устанавливается указом Президента Республики Узбекистан.
Ключевые слова: Драматург, свобода Родины, независимость, патриотизм, исторический образ, текстильный образ, захватчик, цесаревич, губернатор, поэтическое произведение, глубина.
Jaloliddin Manguberdi – tarixiy shaxs bo‘lib Xorazm shohi Muhammadning o‘g‘li bo‘lgan. U umrining so‘nggi yilida Xorazmshohlar davlati hukmdori bo‘lgan, lekin Chingiz boshliq mo‘g‘ul bosqinchilarining quvg‘ini tufayli, hayotining so‘ngini lashkarlari va saltanati bilan yurt sarhadlaridan yiroqda o‘tkazishga majbur bo‘lgan. Jaloliddin Vatan ozodligi uchun kurashlar olib borgan, lekin, kuchlar teng bo‘lmaganligi uchun ortga chekinishga majbur bo‘lgan.
“Jaloliddin Manguberdi” dramasida Shayxzoda Vatan erki, mustaqilligi uchun fidoyilarcha kurash olib borgan jasur sarkarda qiyofasini badiiy gavdalantirdi. Jaloliddin Manguberdi hatto Amir Temurga ham ibrat bo‘lgan buyuk siymo hisoblanadi.
Jaloliddin Manguberdi dramaning ayrim parchalari, yozilgan vaqtlarida nashr etilgan. Lekin muallifning hayotlik paytida biror marta to‘liqligicha chop etilmagan. Drama to‘liqligicha birinchi marta o‘zbek tilida dramaturg vafotidan yigirma bir yil o‘tgach, yani, 1988-yili bosmadan chiqqan.
1945-yilda Jaloliddin Manguberdi dramasi Hamza nomidagi O‘zbek davlat drama teatri tomonidan sahnalashtirilgan va ko‘p o‘tmay sahnadan olib tashlangan. Muallifga esa o‘tmishni, xonlarni, beklarni, feodalizmni oqlash va yoqlash tamg‘asi yopishtirildi. Bu “aybnoma” nohaq qamalishiga ta’sir ko‘rsatdi.
