4-4 БАЗАЛЬТ ФИБРА МИҚДОРИ ВА ПАРАМЕТРЛАРИНИНГ БЕТОН ҚОРИШМАСИ ТЕХНОЛОГИК ХОССАЛАРИГА ТАЪСИРИНИ БАҲОЛАШ
Abstract
Мақолада базальт фибранинг ҳажмий миқдори, узунлиги ва геометрик нисбатининг янги тайёрланган бетон қоришмасининг технологик хоссаларига таъсири комплекс баҳоланди. Эксперимент схемасида фибра миқдори 0–0,5 vol.% ва узунлиги 6, 12 ҳамда 18 mm даражаларда қабул қилинди. Асосий жавоб функциялари сифатида конус чўкиши, ёйилиш диаметри, янги бетон зичлиги, ҳаво миқдори ва 30 минутдан кейинги ишланувчанликни сақлаш кўрсаткичлари танланди. Намунавий натижалар фибра миқдори ва узунлиги ортиши билан ҳаракатчанлик ва ёйилувчанликнинг мунтазам пасайишини, ҳаво миқдорининг эса ортишини кўрсатди. Ушбу таъсир фибранинг катта солиштирма юзаси, цемент хамирига бўлган талабнинг ортиши ва қоришма ичида фазовий толали тармоқ ҳосил бўлиши билан изоҳланди. Технологик нуқтаи назардан фибра дозасини танлашда механик самара билан бир қаторда қоришманинг жойлашувчанлиги ва зичлашувчанлиги ҳам ҳисобга олиниши лозим.
